बम विस्फोटमा परि कम्तिमा १२ जनाको मृत्यु भएको छ भने दर्जनौं घाइते भएका छन् । मृतकको संख्या बढ्न सक्ने पाकिस्तानी संचारमाध्यहरुले उल्लेख गरेका छन् । हिजो दिल्लीमा गरिए जस्तै गरि पाकिस्तानमा पनि कारमै राखेर बम विस्फोट गराइएको संचारमाध्यमहरुले उल्लेख गरेका छन् ।
इस्लामावादको जिल्ला अदालत नजिकै स्थानीय समय अनुसार आज दिउँसो १२ः१५ बजे भएको शक्तिशाली बम विस्फोटको आवाज ६ किलोमिटर टाढासम्म सुनिएको थियो।
शुरुमा सुरुमा कारमा जडान गरिएको ग्यास सिलिन्डर विस्फोट भएको अनुमान गरिए पनि पछि आत्मघाती हमलाकारीले अदालत परिसर बाहिर आफैलाई विस्फोट गराएको सुरक्षा अधिकारीहरुले जानकारी दिएका छन् ।
अहिले राजधानी इस्लामावादको सुरक्षा व्यवस्था कडा पारिएको छ ।
भारतीय संचारमाध्यम र राजनीतिक नेताहरुले हिजो नयाँ दिल्लीमा भएको आक्रमणमा पाकिस्तानको हात रहेको चर्चा गरिरहेको बेला आज पाकिस्तानमा भएको आक्रमणमा कस्को हात रहेको छ भन्ने बारेमा भने अधिकारीहरुले केही उल्लेख गरेका छैनन् ।
