नेपाल सुनचाँदी व्यवसायी महासंघका अनुसार आज सुन प्रतितोला २ लाख ७८ हजार रुपैयाँमा कारोबार भइरहेको छ । पछिल्लो तीन दिनदेखि सुनको मूल्य रेकर्ड बनाउदै बढिरहेकाे छ । मंगलबारको बजारमा सुन प्रतितोला २ लाख ७६ हजार ५०० रुपैयाँमा कारोबार भएको थियो । मंगलबार कायम रेकर्डलाई ब्रेक गर्दै सुनको मूल्यले यस दिन नयाँ रेकर्ड बनाएको हो ।
त्यस्तै, आज चाँदीको मूल्य प्रतितोला ३१५ रुपैयाँले बढेको छ । चाँदीको मूल्य पनि निरन्तर रेकर्ड बनाउँदै बढिरहेकाे छ । आजको बजारमा चाँदी प्रतितोला ५ हजार ६५५ रुपैयाँमा कारोबार भइरहेको छ । मंगलबारको बजारमा भने चाँदी प्रतितोला ५ हजार ३४० रुपैयाँमा खरिद–बिक्री भएको थियो। सो रेकर्डलाई ब्रेक गर्दै चाँदीको मूल्यले यस दिन नयाँ रेकर्ड बनाएको हो ।
