भारतले विनियोजन गरेको यो अनुदान रकम नेपाली रुपैयाँमा करिब १२ अर्ब ८० करोड हुन आउँछ। यो रकम गत वर्षको सुरुवाती विनियोजनकै बराबर हो। गत आर्थिक वर्षमा पनि भारतले सुरुमा ८ सय करोड भारु नै विनियोजन गरेको भए पनि पछि त्यसलाई संशोधन गरेर ८ सय ३० करोड पुर्याएको थियो। चालू आर्थिक वर्षमा भारतले नेपाललाई ८ सय ३० करोड भारु नै उपलब्ध गराउने संशोधित अनुमान बजेटमा उल्लेख छ।
भुटानलाई सबैभन्दा बढी सहायता, अन्य छिमेकीको अवस्था यस्तो छ:
भारतले आफ्नो वैदेशिक सहायता अन्तर्गत छिमेकी मुलुकमध्ये सबैभन्दा ठुलो हिस्सा भुटानलाई प्रदान गर्दै आएको छ। आगामी वर्षका लागि भारतले भुटानलाई २ हजार २ सय ८८ करोड भारु अनुदान दिने घोषणा गरेको छ, जुन चालू आर्थिक वर्षको १ हजार ९ सय ५० करोडको तुलनामा उल्लेख्य वृद्धि हो।
भारतको आगामी बजेटमा अन्य मुलुकहरूका लागि विनियोजित अनुदान यस प्रकार छ:
-
मालदिभ्स ५ सय ५० करोड भारु
-
श्रीलंका: ४ सय करोड भारु
-
म्यानमार: ३ सय करोड भारु
-
अफगानिस्तान: १ सय ५० करोड भारु
-
बंगलादेश: ६० करोड भारु
-
मंगोलिया: २५ करोड भारु
-
अफ्रिकी मुलुकहरू: २ सय २५ करोड भारु
भारतले हरेक वर्ष आफ्नो वार्षिक बजेटमार्फत छिमेकी तथा अन्य मित्र राष्ट्रहरूलाई विभिन्न विकास आयोजना र क्षमता विकासका लागि यस्तो अनुदान उपलब्ध गराउँदै आएको छ।
