गत आर्थिक वर्षको पहिलो ६ महिनासम्ममा ४ करोड ४९ लाख रुपैयाँ रहेको कम्पनीको खुद नोक्सानी, चालु आर्थिक वर्षको सोही अवधिसम्ममा २ करोड ९ लाख रुपैयाँमा झरेको छ। कम्पनीको आम्दानी बढेसँगै नोक्सानी घट्न पुगेको हो।
समीक्षा अवधिमा कम्पनीको सञ्चालन आम्दानी १ करोड ८७ लाख रुपैयाँबाट बढेर ४ करोड २४ लाख रुपैयाँ पुगेको छ। त्यस्तै, कम्पनीको कुल आम्दानी समीक्षा अवधिमा १ करोड ७९ लाख रुपैयाँबाट बढेर ४ करोड २७ लाख रुपैयाँ पुगेको छ।
पुस मसान्तसम्ममा कम्पनीको वार्षिक प्रतिशेयर आम्दानी ६ रुपैयाँ ९ पैसा ऋणात्मक रहेको छ भने प्रतिशेयर नेटवर्थ १०१ रुपैयाँ २४ पैसा रहेको छ। ६८ करोड ७५ लाख रुपैयाँ चुक्ता पूँजी रहेको यस कम्पनीको अन्य इक्विटी २० करोड २५ लाख रुपैयाँ ऋणात्मक रहेको छ।
(यस अघिको समाचारमा गत आर्थिक वर्षको पुस मसान्तसम्मको तथ्यांक गलत भएकोमा क्षमा प्रार्थी छौँ।)
