नेपालमा अण्डा उत्पादन बढेको र भारतबाट ठूलो मात्रामा आयात भइरहेको कारणले बजारमा आपूर्ति बढ्दा मूल्यमा गिरावट आएको हो।
नयाँ समर्थन मूल्यअनुसार ठूलो अण्डा प्रतिक्रेट (३० वटाको) ३७५ र मिडियम अण्डा ३३५ रुपैयाँ कायम गरिएको छ । यसअघि माघ २२ गते ठूलो अण्डा प्रतिक्रेट ४३५ र मिडियम ४०५ रुपैयाँ थियो । त्यसअघि माघ ११ गते ठूलो अण्डा ४९५ र मिडियम ४७५ रुपैयाँसम्म पुगेको थियो ।
मंसिरमा अण्डाको मूल्य हालसम्मकै उच्च विन्दुमा पुगेको थियो । सो समयमा फार्ममा ठूलो अण्डा प्रतिक्रेट ५६५ रुपैयाँमा बिक्री भएको थियो भने मझौला अण्डा ५५० रुपैयाँमा कारोबार भएको थियो ।
