कम्पनीले हाल कायम रहेको चुक्ता पूँजी २ अर्ब ३१ करोड रुपैयाँको १० प्रतिशत हकप्रद शेयर निष्कासन गर्न लागेको हो। यसअनुसार कम्पनीले १०० कित्ता शेयर बराबर १० कित्ता (१०:१) को अनुपातमा १०० रुपैयाँ अंकित दरका कुल २३ लाख १० हजार कित्ता हकप्रद शेयर निष्कासन गर्नेछ।
हकप्रद शेयर निष्कासनको प्रयोजनका लागि कम्पनीले आगामी २०८१ फागुन १७ गते आइतबार एक दिनका लागि बुक क्लोज गर्ने निर्णय गरेको छ। यसको अर्थ, फागुन १६ गतेसम्म नेपाल स्टक एक्सचेन्ज (नेप्से) मा कारोबार भई कायम रहेका शेयरधनीहरूले मात्र यो हकप्रद शेयरका लागि आवेदन दिन योग्य हुनेछन्।
कम्पनीको २०८१ असार ३० गते सम्पन्न ३१औँ वार्षिक साधारण सभाले १० प्रतिशत हकप्रद शेयर निष्कासन गर्ने प्रस्ताव पारित गरेको थियो। सोही बमोजिम कम्पनीले अहिले निष्कासन प्रक्रिया अगाडि बढाएको हो। कम्पनीले यसबारे नेपाल स्टक एक्सचेन्ज (नेप्से), नेपाल बिमा प्राधिकरण, नेपाल धितोपत्र बोर्डलगायतका सम्बन्धित निकायहरूलाई जानकारी गराइसकेको छ।
