दुवै निकायका प्रतिनिधिबीच भएको छलफलमा बजारमा ग्यास सिलिन्डर आपूर्ति भए पनि आम उपभोक्ताले सहज रुपमा नपाएको गुनासो आएपछि निगमले छलफल गरेको थियो ।
छलफलमा पहिलो प्राथमिकतामा घरायसी प्रयोजन र त्यसपछि औद्योगिक क्षेत्र, होटल र रेष्टुरेन्ट उद्योगमा ग्यासको आपूर्ति गर्ने सहमति भएको हो । निगमका अनुसार, अब ग्यास बिक्रेताले आफ्ना ग्राहकको नाम र मोबाइल नम्बर समेत टिपेर यर्थाथ विवरण राख्नुपर्ने भएको छ ।
निगमले ग्यास बिक्रेतासँग ग्यास वितरणको विवरण माग गरेको छ । अब ग्यास बिक्रेताले आफ्ना नियमित ग्राहकलाई ग्यास बिक्री गर्दा ग्राहकको नाम, नम्बर राख्नुपर्ने र कालोबजारी गर्ने जो कोहीलाई पनि कारबाही गर्ने बताएको छ ।
निगमले आम ग्राहकलाई आवश्यक भन्दा बढी ग्यासको सञ्चिति नगर्न र केही दिनमा ग्यासको सहज आपूर्ति हुने जनाएको छ ।
