तर, त्यसको एक हप्तापछि अर्थात चैत्र २७ गते शुक्रबारसम्म आइपुग्दा सुनको मूल्य सातामै २ हजार ९०० रुपैयाँले बढेको हो । विगतका हप्तामा भन्दा सुनको मूल्य सामान्य बढेको सुन व्यवसायीहरु बताउँछन् ।
महासंघका अनुसार, चैत्र २२ गते आइतबार सुन मूल्य स्थिर रह्यो । त्यस्तै, चैत्र २३ गते सोमबार सुन प्रतितोलामा २ हजार ६०० रुपैयाँले घटेर २ लाख ९१ हजार ४०० रुपैयाँ प्रतितोलामा कारोबार भएको हो ।
त्यस्तै, चैत्र २४ गते मंगलबार सुनको मूल्य ४ सय रुपैयाँले बढेर २ लाख ९१ हजार ८०० रुपैयाँमा कारोबार भएको थियो । चैत्र २५ गते सुनको मूल्य प्रतितोलामा ७ हजार २०० रुपैयाँले बढेर त्यस दिन २ लाख ९९ हजार रुपैयाँमा कारोबार भएको महासंघले जनाएको छ ।
त्यस्तैगरी, गत चैत्र २६ गते बिहीबार सुन प्रतितोलामा ४ हजार २०० रुपैयाँले घटेर त्यस दिन २ लाख ९४ हजार ७०० रुपैयाँका कारोबार भएको थियो । त्यस्तैगरी, चैत २७ गते भने सुन प्रतितोला २ हजार २०० रुपैयाँले बढेर २ लाख ९६ हजार ९०० रुपैयाँमा कारोबार भएको हो ।
सुनको व्यवायीका अनुसार, मध्यपूर्वी क्षेत्रका युद्धले सुनको मूल्यमा त्यति असर नगरेको बताउँछन् । यसअघि सुनको मूल्य ३ लाख नाघेको थियो । तर, पछिल्ला साताहरुमा सुनको मूल्य औसत नै रहेको देखिन्छ ।
