टेवा क्षेत्रमा
हाल बैंकको शेयरमूल्य टेवा क्षेत्रमा रहेको छ। हाल बैंकको टेवा क्षेत्र ७६८ देखि ८१८ सम्म रहेको छ। आगामी दिनमा बैंकको शेयरमूल्यले सो क्षेत्रमा टेवा पाएर उकालो लागेमा ९९० देखि १ हजार ७० को क्षेत्रमा प्रतिरोधको सामना गर्ने देखिन्छ। तर, सो टेवा क्षेत्रभन्दा तल झरेमा ५८५ देखि ६३५ को क्षेत्रमा टेवा पाउने देखिन्छ।
बिक्रीकर्ता बलियो
साप्ताहिक रुपमा गत साता बैंकको शेयरमूल्यले छोटो पुच्छर भएको रातो मैनबत्ती बनाएको छ। त्यस्तै, साताका अन्तिम दिन कारोबार दिन पनि बैंकको शेयरमूल्यले रातो मैनबत्ती बनाएको छ। यसले सो साता र सो दिनहरुमा बैंकको शेयरमा बिक्रीकर्ता बलियो रहेको संकेत गर्दछ।
एआई सिग्नल
मेरोलगानी एआई चार्टले हालसम्म बैंकको शेयरमा १० पटक बाई सिग्नल दिइसकेको छ। जसमध्ये ९ सिग्नलमा लगानीकर्ताहरुले नाफा कमाएका थिए भने एक सिग्नलमा स्टपलस गर्नु परेको थियो। हाल मेरोलगानी एआई चार्टले बैंकको शेयरमा कुनै पनि सिग्नल दिएको छैन।
कमजोर भोल्यूम
गत साता बैंकको भोल्यम पनि कमजोर रहेको छ। गत साता बैंकको दैनिक औषत भोल्युम १९ हजार ८३४ कित्ता रहेको छ। साताको अन्तिम कारोबार दिन बैंकको २० दिने औषत भोल्यूम भने ४४ हजार ३१७ कित्ता रहेको छ। २० दिने औषत भोल्यूमको तुलनामा गत साताको दैनिक औषत भोल्यूम ५५.२४ प्रतिशत कम हो।
बियरिश प्रवृत्ति
पछिल्लो समय बैंकको एमएसिडी रेखा सिग्नल रेखाभन्दा तल रहेको छ र यी दुई बीचको दूरी फराकिलो हुँदै गएको छ। यसले कम्पनीको शेयरमूल्य बियरिश प्रवृत्तिमा रहेको संकेत गर्दछ। त्यसैगरी, बैंकको हिस्टोग्राम नकारात्मक क्षेत्रमा रहेको छ।
बिक्रीचाप बढी
साताको अन्तिम कारोबार दिन बैंकको स्टकास्टिक आरएसआई ओभरसोल्ड जोनमा रहेको छ। यसले बजारमा खरिद चापको तुलनामा बिक्रीचाप बढी रहेको संकेत गर्दछ।
वित्तीय अवस्था
चालु आर्थिक वर्षको तेस्रो त्रैमाससम्ममा बैंक ५ करोड ९० लाख रुपैयाँ खुद नाफा कमाएको छ। गत आर्थिक वर्षको सोही अवधिसम्ममा बैंकको यस्तो नाफा २ करोड ७७ लाख रुपैयाँ ऋणात्मक थियो।
खुद ब्याज आम्दानी घटेपनि इम्पेरमेन्ट चार्ज रिभर्स भएका कारण बैंक नाफा पुगेको हो।
समीक्षा अवधिमा बैंकको खुद ब्याज आम्दानी १७ करोड ४० लाख रुपैयाँबाट घटेर १५ करोड ३६ लाख रुपैयाँमा सीमित भएको छ। यस्तै, बैंकको कुल सञ्चालन आम्दानी समीक्षा अवधिमा २० करोड ३५ लाख रुपैयाँबाट घटेर १८ करोड ४३ लाख रुपैयाँमा झरेको छ। चालु आर्थिक वर्षको चैत मसान्तसम्ममा बैंकले ८ करोड २८ लाख रुपैयाँ इम्पेरमेन्ट चार्ज रिभर्स गरेको छ। जसका कारण बैंकको सञ्चालन मुनाफा २ करोड ७८ लाख रुपैयाँ ऋणात्मकबाट ८ करोड ४१ लाख रुपैयाँ धनात्मक भएको छ। सो अवधिसम्ममा बैंकको वितरणयोग्य मुनाफा भने ६३ करोड ४५ लाख रुपैयाँ ऋणात्मक रहेको छ।
८३ करोड ४३ लाख रुपैयाँ चुक्ता पूँजी रहेको यस बैंकको जगेडा कोष २२ करोड ६० लाख रुपैयाँ ऋणात्मक छ। तेस्रो त्रैमासको अन्त्यसम्ममा बैंकले ८ अर्ब ३८ करोड ७६ लाख रुपैयाँ निक्षेप संकलन गरी ५ अर्ब ३६ करोड ९१ लाख रुपैयाँ कर्जा प्रवाह गरेको छ।
चालु आर्थिक वर्षको चैत मसान्तसम्ममा बैंकको प्रतिशेयर आम्दानी ९ रुपैयाँ ४३ पैसा रहेको छ भने बुकभ्यालु ७२ रुपेयाँ ९० पैसा रहेको छ। गत शुक्रबारको अन्तिम कारोबार मूल्य अनुसार बैंकको प्राइस टु बुकभ्यालु रेशियो १०.७५ गुणा र मूल्य आम्दानी अनुपात ८३.१४ गुणा रहेको छ।
आधारभूत विश्लेषण
हाल नेप्सेमा बैंकको ८३ लाख ४३ हजार कित्ता शेयर सूचीकृत छ। बैंकको १८० दिने औषत मूल्य ८४६ रुपैयाँ २८ पैसा रहेको छ। बैंकको ५२ हप्ताको उच्च मूल्य १ हजार २८४ रुपैयाँ रहेको छ भने न्यून मूल्य ६८६ रुपैयाँ रहेको छ। गत शुक्रबारको अन्तिम मूल्य अनुसार बैंकको कुल बजार पूँजीकरण ६ अर्ब ५४ करोड १२ लाख १३ हजार २९१ रुपैयाँ २० पैसा रहेको छ।
ब्रोकर नम्बर ३४ बाट सर्वाधिक बिक्री
फ्लोरसिट विश्लेषण गर्दा गत साता ब्रोकर नम्बर ३४ ले बैंकको सर्वाधिक शेयर बिक्री गरेको छ। सो ब्रोकरले गत साता बैंकको १० हजार २०२ कित्ता शेयर बिक्री गरेको छ। गत साता बैंकको सबैभन्दा बढी शेयर खरिद गर्ने ब्रोकर भने ४२ रहेको छ। सो ब्रोकरले गत साता बैंकको ६ हजार ९११ कित्ता शेयर खरिद गरेको छ। त्यस्तै, गत साता ब्रोकर ५८ ले बैंकको साढे ५ हजारभन्दा बढी कित्ता शेयर खरिद गरेको छ भने ८७ ले ९ हजारभन्दा बढी शेयर बिक्री गरेको छ।
मूल्य घट्ने डर
फियर एण्ड ग्रीड मिटरमा बैंक अहिले फियर जोनमा रहेको छ। यसले लगानीकर्ताहरुमाझ बैंकको शेयरमूल्य घट्छ भन्ने डर रहेको संकेत गर्दछ।
(प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानी डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्दा आफैले थप अध्ययन तथा विश्लेषण गर्नु आवश्यक छ।)
