‘पर्ख र हेर’ को अवस्था
साताको अन्तिम कारोबार दिन कम्पनीको शेयरमूल्यले डोजी मैनबत्ती बनाएको छ। यसले कम्पनीको शेयरमूल्य हाल ‘पर्ख र हेर’ को अवस्थामा रहेको संकेत गर्दछ। आगामी कारोबार दिन कम्पनीको शेयरमूल्य बढेमा ६९० देखि ७३० को क्षेत्रमा प्रतिरोधको सामना गर्ने देखिन्छ। त्यस्तै, कम्पनीको शेयरमूल्य घटेमा भने ५४५ देखि ५८५ को क्षेत्रमा टेवा पाउने देखिन्छ।
कन्सोलिडेसन
साताको अन्तिम कारोबार दिन कम्पनीको मूल्य १० दिने, २५ दिने, ५० दिने र १०० दिने मुभिङ्ग एभरेजभन्दा सामान्य तल छ। सबै मुभिङ्ग एभरेजहरु र कम्पनीको मूल्य एकै ठाउँमा रहनुले कम्पनीको शेयरमा हाल ट्रेण्डलेस भई कन्सोलिडेसनमा छ भन्ने संकेत गर्दछ।
औषत भोल्यूम
गत साताको अन्तिम कारोबार दिन कम्पनीको भोल्यूम र २० दिने दैनिक औषत भोल्यूम नजिकै रहेको छ। मूल्य ६३० दखि ६४० को विन्दुमा स्थिर रहँदा भोल्यूम औषत रहनुले बजारमा अहिले ठूलो खरिद वा बिक्री चाप दुबै नरहेको संकेत गर्दछ।
बुलिश प्रवृत्ति
हाल कम्पनीको एमएसिडी रेखा, सिग्नल रेखाभन्दा माथि रहेको छ र यी दुबै रेखाहरुको दूरी फराकिलो रहेको छ। त्यस्तै, कम्पनीको हिस्टोग्राम पनि सकारात्मक क्षेत्रमा रहेको छ। यसले कम्पनीको शेयरमूल्य हाल बुलिश प्रवृत्तिमा रहेको संकेत गर्दछ।
खरिद बिक्री चाप सन्तुलनमा
साताको अन्तिम कारोबार दिन कम्पनीको स्टकास्टिक आरएसआई ओभरसोल्ड जोनबाट बढेर न्यूट्रल जोनमा पुगेको छ। यसले गत साता कम्पनीको शेयरमा अधिक बिक्रीचाप सकिएर विस्तारै खरिदबिक्री चाप सन्तुलनमा आउन थालेको संकेत गर्दछ।
वित्तीय अवस्था
गत आर्थिक वर्षको तेस्रो त्रैमाससम्ममा कम्पनी ४८ लाख ८९ हजार रुपैयाँ नोक्सानीमा रहेको छ। अघिल्लो आर्थिक वर्षको सोही अवधिसम्ममा कम्पनी ४ करोड ७० लाख ५२ हजार रुपैयाँ नोक्सानीमा थियो।
कम्पनीको विद्युत बिक्री आम्दानी बढेको र वित्तीय खर्च घटेसँगै खुद नोक्सानी घट्न पुगेको हो।
समीक्षा अवधिमा कम्पनीको विद्युत बिक्री आम्दानी २२ करोड १२ लाख रुपैयाँबाट बढेर २३ करोड ६६ लाख रुपैयाँ पुगेको छ। त्यस्तै, कम्पनीको कुल नाफा १२ करोड ५ लाख रुपैयाँबाट बढेर १३ करोड ४९ लाख रुपैयाँ पुगेको छ। कम्पनीको वित्तीय खर्च समीक्षा अवधिमा १५ करोड ४ लाख रुपैयाँबाट घटेर ११ करोड ८९ लाख रुपैयाँमा झरेको छ।
८३ करोड रुपैयाँ चुक्ता पूँजी रहेको यस कम्पनीको जगेडा कोष १२ करोड ७१ लाख ८१ हजार रुपैयाँ ऋणात्मक रहेको छ।
चैत मसान्तसम्ममा कम्पनीको प्रतिशेयर आम्दानी ७९ पैसा ऋणात्मक रहेको छ भने बुकभ्यालु ८४ रुपैयाँ ६८ पैसा रहेको छ। गत साताको अन्तिम मूल्य अनुसार कम्पनीको प्राइस टु बुकभ्यालु रेशियो ७.५ गुणा रहेको छ।
आधारभुत अवस्था
हाल नेप्सेमा कम्पनीको ८३ लाख कित्ता शेयर सूचीकृत छन्। कम्पनीको १८० दिने औषत मूल्य ६५८ रुपैयाँ ३४ पैसा रहेको छ। त्यसैगरी, कम्पनीको ५२ हप्ताको उच्च मूल्य ८९५ रुपैयाँ रहेको छ भने न्यून मूल्य ३०२ रुपैयाँ ४० पैसा रहेको छ। साताको अन्तिम मूल्य अनुसार कम्पनीको कुल बजार पूँजीकरण ५ अर्ब २६ करोड ९६ लाख ७० हजार रुपैयाँ छ।
ब्रोकर ४१ बाट सर्वाधिक खरिदबिक्री
गत साता ब्रोकर नम्बर ४१ ले कम्पनीको सबैभन्दा बढी शेयर खरिद गरेको छ। सो ब्रोकरले गत साता कम्पनीको १ लाख ६ हजार ५६७ कित्ता शेयर खरिद गरेको छ। त्यस्तै, गत साता कम्पनीको शेयर सबैभन्दा बढी बिक्री गर्ने ब्रोकर पनि ४१ नै रहेको छ। सो ब्रोकरले गत साता कम्पनीको १ लाख ६३ हजार ६३५ कित्ता शेयर बिक्री गरेको छ। गत साता ब्रोकर ५८ ले कम्पनीको ३४ हजार ९८८ कित्ता शेयर खरिद गरेको छ भने ब्रोकर ६३ ले ६६ हजार २५४ कित्ता शेयर बिक्री गरेको छ।
मूल्य घट्ने डर
फियर एण्ड ग्रीड मिटरमा कम्पनीको शेयरमूल्य अहिले फियर जोनमा रहेको छ। यसले लगानीकर्ताहरु कम्पनीको शेयरमूल्य घट्छ भन्ने डरमा रहेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)
