खेलमा सुरुवाती अग्रता गुमाएको ब्राजिललाई भिनिसियस जुनियरले संकटबाट बचाएका थिए। यदि ब्राजिल यो खेलमा पराजित भएको भए, सन् १९३४ यताकै विश्वकपको उद्घाटन खेलमा व्यहोरेको यो पहिलो हार हुने थियो।
खेलको २१ औँ मिनेटमा मोरक्कोका इस्माइल साइबारीले गोल गर्दै टोलीलाई सुरुवाती अग्रता दिलाएका थिए। ब्राजिलका गोलकिपर एलिसन बेकर र डिफेन्डरहरूबीचको तालमेल नमिल्दा साइबारीले डि–बक्स बाहिरबाट उत्कृष्ट गोल गरेका थिए। विश्वकप इतिहासमा मोरक्कोले दक्षिण अमेरिकी टोलीविरुद्ध गोल गरेको यो पहिलो पटक हो।
खेलको सुरुवाती ३० मिनेटमा मोरक्कोले ब्राजिलको पोस्टमा १२ पटक प्रहार गर्दै कडा दबाब बनाएको थियो। तर, खेलको ३३ औँ मिनेटमा ब्राजिलका लागि आफ्नो ५० औँ खेल खेलिरहेका भिनिसियस जुनियरले ब्रुनो गुइमारेसको पासमा उत्कृष्ट सोलो गोल गर्दै खेललाई १–१ को बराबरीमा ल्याए।
दोस्रो हाफमा दुवै टोलीबाट थप गोल हुन नसकेपछि खेल बराबरीमै सकियो र दुवै टोलीले १–१ अङ्क बाँडेका छन्।
