फिफा विश्वकप २०२६ अन्तर्गत समूह चरणका खेलहरूमा पोर्चुगलले सानदार प्रदर्शन गरेको छ भने उपाधि दाबेदार मानिएको इंग्ल्याण्ड बराबरीमा रोकिन पुगेको छ।

समूह के को खेलमा पोर्चुगलले उज्बेकिस्तानमाथि ५–० को फराकिलो जित निकाल्यो। अर्कोतर्फ, समूह एल को अत्यन्तै प्रतिस्पर्धात्मक खेलमा इंग्ल्याण्ड र घानाले गोलरहित ९०–०० बराबरी खेल्दै अंक बाँडेका छन्।

टेक्ससको ह्युस्टन स्टेडियममा भएको खेलमा कप्तान क्रिस्टियानो रोनाल्डो चम्किएपछि पोर्चुगलले उज्बेकिस्तानविरुद्ध एकतर्फी जित हात पार्यो। पहिलो खेलमा कंगोसँग बराबरीमा रोकिएको पोर्चुगलले यो जितसँगै प्रतियोगितामा बलियो कमब्याक गरेको छ। खेलको ६औँ मिनेटमै जोआओ कान्सेलोको क्रसमा गोल गर्दै रोनाल्डोले पोर्चुगललाई अग्रता दिलाए। यो गोलसँगै उनी ६ वटा छुट्टाछुट्टै विश्वकप संस्करणमा गोल गर्ने विश्वकै पहिलो पुरुष खेलाडी बनेका छन्। १७औँ मिनेटमा फ्रि(किकमार्फत नुनो मेन्डिसले उत्कृष्ट गोल गर्दै अग्रता दोब्बर बनाए। ३९औँ मिनेटमा ब्रुनो फर्नान्डेजको पासमा रोनाल्डोले व्यक्तिगत दोस्रो र टोलीका लागि तेस्रो गोल गरे। यस गोलसँगै उनले विश्वकपमा आफ्नो १०औँ गोल पूरा गर्दै पोर्चुगलका लिजेन्ड युसेबियोको ९ गोलको कीर्तिमानलाई तोडेका छन्।
६०औँ मिनेटमा उज्बेकिस्तानका गोलकिपर अब्डुभोहिद नेमातोभको आत्मघाती गोलबाट पोर्चुगल ४–० ले अघि बढ्यो भने ८७औँ मिनेटमा सब्सटिच्युट खेलाडी राफाएल लेआओले गोल गर्दै ५–० को जित पक्का गरे। यस जितसँगै २ खेलबाट ४ अंक जोड्दै पोर्चुगल नकआउट चरण नजिक पुगेको छ भने उज्बेकिस्तान प्रतियोगिताबाट बाहिरिएको छ।
अमेरिकाकै बोस्टन स्टेडियममा भएको अर्को खेलमा बलियो टोली इंग्ल्याण्डलाई घानाको बलियो रक्षापंक्तिले स्तब्ध बनायो। थमस ट्युचेलको प्रशिक्षणमा रहेको इंग्ल्याण्डले ७८।८ प्रतिशत बल पजेसन राखेर पनि गोल गर्न सकेन, जुन विश्वकप इतिहासमै गोल गर्न नसकेको टोलीको सबैभन्दा बढी बल पजेसनको कीर्तिमान हो। घानाका गोलकिपर बेन्जामिन आसारे र डिफेन्डरहरूले इंग्ल्याण्डका स्टार स्ट्राइकर ह्यारी केन, जुड बेलिङ्घम र बुकायो साकाका दर्जनौँ प्रहारहरूलाई विफल पारिदिए। खेलको अन्तिम समयमा इंग्ल्याण्डका निको ओुरेलीको हेडर क्रसबारमा ठोकिएर फर्किएको थियो भने प्राप्त रिबाउन्ड बललाई ह्यारी केनले पोस्टको दिशा दिन सकेनन्। लगत्तै म्यार्क गुएहीको हेडरलाई घानाका डिफेन्डरले गोललाइनबाट क्लियर गरिदिएका थिए।
विश्वकप इतिहासमा इंग्ल्याण्डले खेलेको यो २३औँ बराबरी खेल हो, जसमध्ये १३ वटा खेल ०–० को बराबरीमा टुङ्गिएका छन्। विश्वकपमा यी दुवै संख्या कुनै पनि टोलीका लागि सबैभन्दा बढी हुन्। यो बराबरीका बाबजुद इंग्ल्याण्ड ४ अंकका साथ समूह एल को शीर्ष स्थानमा कायम छ र नकआउटमा पुग्नका लागि उसले अन्तिम खेलमा पानामाको सामना गर्नेछ। घानाले भने महत्वपूर्ण १ अंक बटुल्दै अघिल्लो चरणको सम्भावना जीवितै राखेको छ।