अवैध लागूऔषधसहित तीन जना पक्राउ

Oct 06, 2026 11:12 AM Merolagani



देशका विभिन्न स्थानबाट प्रहरीले अवैध लागूऔषधसहित तीन जनालाई पक्राउ गरेको छ।

रूपन्देहीको बुटवल उपमहानगरपालिका–४ हाटबजारबाट ब्राउनसुगर जस्तो देखिने ३ सय ९० मिलिग्राम पदार्थसहित गुल्मी घर भई बुटवल–११ देवीनगरमा डेरा गरी बस्ने ३८ वर्षीय चन्द्रबहादुर खत्री पक्राउ परेका छन्। उनलाई इलाका प्रहरी कार्यालय बुटवलबाट खटिएको टोलीले सोमबार बिहान पक्राउ गरेको हो।

यस्तै, बाँकेको नेपालगञ्ज उपमहानगरपालिका–१४ भवनीयापुरबाट २ सय ८० ट्याब्लेट ट्रामाडोलसहित जाजरकोटको भेरी नगरपालिका–३ का १९ वर्षीय शंकर शाही पक्राउ परेका छन्। जिल्ला प्रहरी कार्यालय बाँकेबाट खटिएको टोलीले उनलाई सोमबार दिउँसो पक्राउ गरेको हो।

त्यसैगरी, कैलालीको धनगढी उपमहानगरपालिका–३ रिङरोडस्थित वीरेन्द्र टोलबाट ६४ ग्राम चरेस जस्तो देखिने पदार्थसहित ४९ वर्षीय गौरी सिंह महरा पक्राउ परेका छन्। वडा प्रहरी कार्यालय धनगढीबाट खटिएको टोलीले उनलाई सोमबार दिउँसो पक्राउ गरेको हो।

पक्राउ परेका तीनै जनामाथि प्रहरीले आवश्यक अनुसन्धान अघि बढाएको जनाएको छ।




पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।