गत साता पाँच कारोबार दिनका लागि बजार खुलेको थियो। जसमध्ये तीन कारोबार दिन नेप्से सकारात्मक रहेको थियो भने दुई कारोबार दिन घटेर बन्द भएको थियो।
खरिदकर्ताहरु पुनः सक्रिय
गत साता नेप्से परिसूच्क टेवा क्षेत्रबाट बाउन्स ब्याक हुन खोजिरहेको देखिन्छ। साताको अन्तिम कारोबार दिन बनेको हरियो मैनबत्तीले बजार तल्लो विन्दुमा पुग्दा खरिदकर्ताहरु पुनः सक्रिय भई बाउन्स ब्याक हुन खोजेको संकेत गर्दछ।
मुभिङ्ग एभरेजभन्दा तल
गत साता नेप्से परिसूचक १० दिने मुभिङ्ग एभरेजको ठीक मुनि आइपुगेको छ। आगामी कारोबार दिनमा नेप्सेले सो मुभिङ्ग एभरेजलाई तोडेमा अल्पकालीन सुधारले थप गति दिने संकेत गर्नेछ। यद्यपि, २५ दिने, ५० दिने र १०० दिने मुभिङ्ग एभरेजहरुभने क्रमबद्ध रुपमा प्रमुख प्राविधिक प्रतिरोधका रुपमा रहनेछन्।
कमजोर भोल्यूम
गत साताका सबै कारोबार दिनहरुमा नेप्सेको दैनिक भोल्यूम २० दिने औषत भोल्यूमभन्दा तल रहेको छ। यद्यपि, साताको सुरुवातको तुलनामा अन्त्यतिर भएको केही सुधारले बजारमा नयाँ तरलता प्रवेश भइरहेको संकेत गर्दछ।
बियरिश मोमेन्टम घट्दै
गत साता नेप्सेको एमएसिडी रेखा र सिग्नल रेखा बीचको दूरी केही साँघुरिएको छ। त्यस्तै, नकारात्मक क्षेत्रमा रहेको हिस्टोग्रामको उचाई पनि घट्दो क्रममा रहेको छ। यसले बजारमा बियरिश मोमेन्टमको प्रभाव घट्दै गएको र बुलिश रिभर्सल नजिकिँदै गरेको संकेत गर्दछ।
खरिदबिक्री चाप सन्तुलनमा
गत साता नेप्सेको स्टकास्टिक आरएसआई न्यूट्रल जोनमा रहेको छ। यसले गत साता बजारमा खरिदबिक्री चाप सन्तुलनमा रहेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो।)
(उपलब्ध तथ्यांकका आधारमा तयार पारिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)
