जनकपुर बोल्ट्सले प्रतियोगितामा यसअघि १ जित र १ हारको सामना गरिसकेको छ। आफ्नो अघिल्लो खेलमा काठमाडौँ गुर्खाजलाई ८ विकेटको फराकिलो अन्तरले पराजित गर्दै जनकपुरले शानदार जित दर्ता गरेको थियो।
यता, पोखरा एभेन्जर्सले भने प्रतियोगितामा अपेक्षाकृत सुरुआत गर्न सकेको छैन। पहिलो खेलमा सुदूरपश्चिम रोयल्ससँग ६ विकेटको पराजय ब्यहोरेको पोखरा आजको खेल जित्दै प्रतियोगितामा पहिलो अङ्क जोड्ने र जितको खाता खोल्ने दाउमा छ।
अघिल्ला संस्करणहरूमा यी दुई टोलीबीच भएका भिडन्तहरू प्रतिस्पर्धात्मक रहेका थिए। जनकपुर आज आफ्नो विजयी लयलाई निरन्तरता दिने रणनीतिमा हुनेछ भने पोखरा टोली पुनरागमन गर्दै अङ्क तालिकामा खाता खोल्न मैदान उत्रनेछ।
