टस हारेर पहिले ब्याटिङ गरेको विराटनगर किंग्सले निर्धारित २० ओभरमा ३ विकेट गुमाउँदै १७४ रन बनाएको थियो। विराटनगरका लागि आन्द्रे रसेलले २९ बलमा अविजित ५२ रन बनाए। त्यस्तै, इमरान शेखले ५६ रन र लोकेश बमले ५० रनको योगदान दिए।
१७५ रनको लक्ष्य पछ्याएको जनकपुर बोल्ट्सले निर्धारित २० ओभरमा ७ विकेट गुमाउँदै १७२ रन मात्रै बनाउन सक्यो। जनकपुरका लागि सैफ हसनले ४८ बलमा सर्वाधिक ७१ रन बनाए भने विशाल सुशलिङले ४३ रनको योगदान दिए। तर, उनीहरूको प्रयास टोलीलाई जित दिलाउन पर्याप्त हुन सकेन।
विराटनगरको जितमा आन्द्रे रसेल नायक बने। उनले ब्याटिङमा अविजित अर्धशतक प्रहार गर्नुका साथै बलिङमा चार विकेटसमेत लिए।
यससँगै अन्तिम ओभरसम्म चलेको रोमाञ्चक प्रतिस्पर्धामा विराटनगर किंग्सले जनकपुर बोल्ट्समाथि २ रनको साँघुरो जित निकालेको छ।
