दुई दर्जन बढी कम्पनीको शेयरमूल्य दश प्रतिशतले बढ्यो, नेप्से १३१८ सर्वाधिक उच्च विन्दुमा

सार्वजनिक विदाका कारण तीनदिन बन्द भएर खुलेको विहिबारको शेयरबजार हालसम्मकै उच्च विन्दुमा पुगेको छ । बीमा र लघुवित्त कम्पनीहरुले बजार उचालेपनि नेप्से ११.४९ अंकले बढेर १३१८.०३ अंकमा पुगेको छ ।

२ दर्जन बढी कम्पनीको शेयरमूल्य दश प्रतिशतको हाराहारीमा बढ्दा बजारमा धेरै हिस्सा ओगटेका टेलिकम लगायत कृषि विकास बैंक बाहेक अन्य वाणिज्य बैंकमा भने खासै उत्साह देखिएन् ।

विहिबार नेप्सले १३१८ विन्दु पार गर्दा १२६ कम्पनीको ९७ करोड रुपैयाँ बराबरको कारोबार भएको छ । वित्त र अन्य समूह बाहेक सबै समूह उल्लेखनीय वृद्धि भएको बजारमा कारोबार रकममा समेत उल्लेखीय रुपमा बढेको छ । अघिल्लो कारोबारको तुलनामा कारोबार रकम झण्डै २० करोड रुपैयाँले बढेको हो ।

यसदिन बीमा समूहमा उच्च उछाल देखिएको छ भने धेरै कमाउनेको सूचीमा पनि विमा कम्पनी धेरै देखिएका छन् । विहिबारको बजारमा एकदर्जन वीमा कम्पनीको शेयरमूल्य दश प्रतिशतका दरले बढेको छ । जलविद्युत, विकास बैंक, होटल र वाणिज्य बैंक समूहमा पनि हरियालि छाएको छ ।

वीमा कम्पनीहरुको पूँजी बढाउने चर्चाले बजार तताएको हो । विहीबार जीवन र निर्जीवन दुबैतर्फका इन्स्योरेन्स कम्पनीको सेयरको भाउ बढेको छ । वीमा कम्पनीहरुको कारोबार रकम र नाफा बढेको वित्तिय विवरणहरु सार्वजनिक भएको बेला उनीहरुले धमाधम  लाभांश वितरणको प्रस्ताव ल्याइरहेकोले पनि वीमातर्फ लगानीकर्ताको आकर्षण बढेको पाइएको छ ।

२६ कम्पनीको शेयरमूल्य दश प्रतिशतको हाराहारीमा बढ्दा तीमध्ये १२ वटा वीमा कम्पनीरहेका छन् । वीमा समूहको सूचक मात्रै १८६ अंकले बढेको छ भने यो समूहको मात्रै ४२ करोड बढीको कारोबार भएको छ ।
नेपाल राष्ट बैंकले लघुवित्त कम्पनीहरुको समेत चुक्तापँजी बढाउने तयारी गरेको खबरहरु सम्प्रेषण भएपछि लगानीकर्ताहरुको ओईरो लघुवित्त कम्पनीमा लागेपछि बजार भाऊ र कारोबार बढेको हो ।

त्यस्तै वाणिज्य बैंक समूहले २३ करोडको कारोबार गर्दा लघुवित्त समावेश विकास बैंक समुहको पनि २१ करोड बढिको कारोबार भएको छ । रेकर्ड माथि रेकर्ड बनाएको बजारमा पोखरा फाइनान्सका लगानीकर्ताले सबैभन्दा धेरै गुमाएका छन् ।  

....................................................................................................................................................................

मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।

....................................................................................................................................................................

सवा दश लाख कित्ता साधारण शेयर निष्काशन गर्दे राधी हाइड्रो