भाइटिकाका दिन दाजुभाईलाई टीका लगाएपछि दिइने मिठाई र मसलाहरु जहीँ तहीँका बजारमा प्रर्याप्त देखिएका छन् । आम सर्वसाधारणले प्राय तिहारमा मात्र किन्ने गरेका मसलाहरु काजू, बदाम, पेस्ता, ओखर, छोकडा, किसमिस, नरिवल, अंजिर, मिश्री लगायतका बस्तुहरुको किनवेच अत्याधिक भइरहेको छ । भाइमसलाको रुपमा चिनिने मसलाको बजार भाउ प्रति केजी हाराहारीमा यस्तो रहेको छ ।
यी मसलाहरुमा मिठाइ राखेर प्याकेट बनाई बेच्ने पनि गरिएको छ । यी प्याकेटहरु तौलका आधारमा बिभिन्न मूल्यहुने गरेको व्यापारीहरु बताउँछन । तौल र परिकारका आधारमा एक प्याकेटको मूल्य एक सयदेखि ५ सय रुपैयाँसम्म पर्ने उनीहरुको भनाई छ । मसला सँगसँगै तिहारमा मिठाइको व्यापार पनि खुबै बढ्ने गर्दछ ।
काठमाण्डौका करिब चार सय भन्दा बढी मिठाइ पसलमा ग्राहकहरुको खचाखच भीड लाग्न थालिसकेको छ । तिहारमा रोटी, खजुरी, अनरसा, लड्डु, लाखामरी, ऐचेमरी लगायतका परिकार बढी चल्ने गर्दछ । तिहारमा एकैपटक ठूलो परिणाममा मिठाई बनाइने हुनाले गुणस्तरीयतामा ध्यान नदिएको सर्वसाधारणको गुनासो रहेको छ ।
नेपालमा उत्पादित मिठाई भन्दा भारतबाट तिहारका लागि ल्याइएका मिठाइमा समस्या हुने गरेको बताइन्छ । मिठाइ व्यवसायी संघका अध्यक्ष सुमन मानन्धरले पनि गुणस्तरहीन र रंग प्रयोग गरिएका मिठाई प्रयोग नगर्न अनुरोध गरेका छन् ।
................. सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
