आज अर्थात जेठ १० देखि औपचारीक रुपमा नयाँ प्रणाली सहित लाइसेन्स अनलाइन आवेदन खुलाउने भनेपनि सिस्टममा राखिने अनलाइन पेमेन्टको कारण ढिलाइ हुने भएको हो ।
यातायात विभागका महानिर्देशक नमराज घिमिरेले अगामी १६ गतेसम्म अनलाइन पेमेन्टको काम सकेर लाइसेन्स आवेदन खुलाउने बताए । ‘हामीले १० गेत भित्र नयाँ सिस्टम ल्याउने भनेर हल्लाखल्ला गर्यौं तर, अनलाइन पेमेन्ट सिस्टमको लागि थप समय लाग्ने भयो’ घिमिरेले मेरोलगानीसँग भने ।
उनका अनुसार अनलाइन पेमेन्टसँग इन्ट्रिगेसन ३ दिन भित्र सकेर अगामी आइतबार लाइसेन्स आवेदन खुल्छ । नयाँ सिस्टम आएपछि फारम भरेको १५ दिन भित्र आफैले तोकेको मितिमा प्रयोगात्मक परिक्षा दिन पाइने छ ।
यातायात विभागका इन्जिनियर सन्तोष पोखरेलले अनलाइन पेमेन्ट गेटवे शुक्रबारसम्म तयार भइसक्ने र सोमबारबाट नयाँ सिस्टम सहित अनलाइन लाइसेन्स आवेदन लिने बताए ।
