६ कारोबार दिनमध्ये ५ कारोबार दिन बजार उकालो लागेसँगै नेप्सेले सो बराबरको अंक कमाएको हो। गत साता मंगलबार नेप्सेमा ४४.८० अंकको करेक्सन भएको थियो।
यस अनुसार यस साता नेप्से उकालो लागेमा २४०० विन्दुमा प्रतिरोधको सामना गर्ने देखिन्छ। त्यसैगरी, ओरालो लागेमा भने १८०० विन्दुमा टेवा पाउने देखिन्छ।
साताको अन्तिम कारोबार दिन नेप्सेले स्पिनिङ्ग टप मैनबत्ती बनाएको छ। यसले सो दिन लगानीकर्ताहरु अन्योलमा रहेको संकेत गर्दछ। यद्यपि, साप्ताहिक रुपमा भने नेप्सेले बुलिश मारुबोजु बनाएको छ। जसले गत साता खरिदकर्ताहरु हाबी रहेको संकेत गर्दछ।
गत साता नेप्सेको ५ दिने इएमए, २० दिने इएमएभन्दा माथि रहेको छ। र यी दुई बीचको दूरी बढ्दो क्रममा रहेको छ। यसले बजारमा बाइङ्ग मोमेन्टम बलियो रहेको संकेत गर्दछ।
नेप्सेसँगै गत साता भोल्यूम पनि बढेको छ। गत साता नेप्सेमा दैनिक औषतमा ३ अर्ब ४७ करोडको शेयर कारोबार भएको थियो। नेप्सेको २० दिने औषत कारोबार रकम २ अर्ब २८ करोड रुपैयाँ रहेको छ। २० दिने औषत भोल्यूमको तुलनामा नेप्सेको दैनिक औषत भोल्यूम ५२.४६ प्रतिशत बढी हो। उच्च भोल्यूम सहितको सूचक वृद्धिलाई राम्रो मानिन्छ।
लघुवित्त उपसमूह
गत साता १३ वटै उपसमूहको परिसूचक उकालो लागेको थियो। सोमध्ये ५ उपसमूहको परिसूचक १० प्रतिशतभन्दा बढी बढेको थियो। लघुवित्त उपसमूहको परिसूचक गत साता १०.०२ प्रतिशत बढेको छ। अघिल्लो साता ४४८५.५३ विन्दुमा रहेको यस उपसमूहको परिसूचक, गत साता ४४९.२६ अंक बढेर ४९३४.७९ विन्दुमा पुगेको छ।
यस अनुसार यस साता सो उपसमूहको परिसूचक उकालो लागेमा ५२०० विन्दुमा प्रतिरोधको सामना गर्नेछ। त्यसैगरी, ओरालो लागेमा भने ४८०० विन्दुमा टेवा पाउने देखिन्छ।
गत साता यस उपसमूहको ५ दिने इएमए, २० दिने इएमएभन्दा माथि रहेको छ। र यी दुई बीचको दूरी बढ्दो क्रममा रहेको छ। यसले बजारमा बाइङ्ग मोमेन्टम बलियो रहेको संकेत गर्दछ।
(विस्तृत प्राविधिक विश्लेषण मेरोलगानी न्यूजलेटरमा)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)
