नेपाल प्रहरीका अनुसार, साउन ५ गतेसम्म कोशी राजमार्गको भोटेखोला गाउँपालिका ५ बरुण भन्ने स्थानमा बाढीले त्यहाँको सडक अवरुद्ध बनाएको छ ।
त्यस्तै,मेची राजमार्गअन्तरगत फिदिम नगरपालिका ४ र ७ को संगमस्थल हेवाखोला, तमोर कर्णाली सडकखण्डअन्तरगत पाँचथरको तुम्बेवा गाउँपालिका २, कालीगण्डकी करिडोरअन्तरगत पूर्वी नवलपरासीको गैडाकोट नगरपालिका ३ स्थित तरङखोला, सहिद राजमार्गअन्तरगत रुकुम पश्चिमको आठबिसकोट नगरपालिका ६ स्थित रिजिगार भन्ने स्थानमा बाढीका कारण सडक खण्ड अवरुद्ध हुन पुगेको छ ।
त्यस सडकखण्डमा यातायात सेवा ठप्प छ । दुइतर्फी नै सवारी आवागमन हुन नसकेको प्रहरीले जनाएको छ । प्रहरीका अनुसार, हालसम्म ४ वटा राजमार्गहरु भने एकतर्फी रुपमा सञ्चालनमा आएका छन् ।
