सुनको मूल्य सामान्य घट्यो, चाँदीको मूल्यमा भने नयाँ रेकर्ड

Aug 25, 2025 10:45 AM Merolagani



भदौ ९ गते, सोमबार, नेपाली बजारमा सुनको मूल्य घटेको छ । यस दिन सुन प्रतितोला ३०० रुपैयाँले घटेको हो भने चाँदी हालसम्मकै ऐतिहासिक उचाइमा पुगेर नयाँ रेकर्ड बनाएको छ ।

नेपाल सुनचाँदी व्यवसायी महासंघका अनुसार यस दिन छापावाल सुन प्रतितोला एक लाख ९७ हजार २०० रुपैयाँमा कारोबार भइरहेको छ । आईतबारको बजारमा छापावाला सुन प्रतितोला एक लाख ९७ हजार ५०० रुपैयाँमा कारोबार भएको थियो ।

त्यसैगरी, यस दिन चाँदीको मूल्य तोलामा ५ रुपैयाँ बढेको छ । सोमबार चाँदी तोलाको दुई हजार ३५५ करोबार भइरहेको छ । आईतबारको बजारमा दुई हजार ३५० रुपैयाँमा कारोबार भएको थियो । यस दिन चाँदीको मूल्यले गत साउन ७ गते कायम मूल्य (प्रतितोला दुई हजार ३५० रुपैयाँ) लाई ब्रेक गरेर नयाँ उचाई बनाएको हो ।




मेरो शेयर तथा सि–आस्बा सेवा अवरुद्ध हुने

Aug 24, 2025 05:10 PM

मेरो शेयर तथा सि–आस्बा सेवा अवरुद्ध हुने भएको छ । सिडिएस एण्ड क्लियरिङ्गको सञ्चालमा रहेको मेरो शेयर तथा सि–आस्बा सेवा प्रणालीहरुको डाटाबेस अपग्रेडेसन गर्नुपर्ने भएकाले सेवा अवरुद्ध हुने भएको हो ।