यस साता नेप्से परिसूचक करिब १ प्रतिशत बढेर बन्द भएको छ। गत साता २७५७.९७ विन्दुमा बन्द भएको नेप्से, यस साता ०.८४ प्रतिशत अर्थात २३.०३ अंक बढेर २७८१.०० विन्दुमा पुगेको छ।

यस साता ५ कारोबार दिनका लागि बजार खुलेको थियो। जसमध्ये ३ करोबार दिन नेप्से बढेको थियो भने २ कारोबार दिन नेप्से घटेर बन्द भएको थियो।

यस साता सेन्सेटिभ इण्डेक्स ३.४२ अंक बढेको छ भने फ्लोट इण्डेक्स १.२२ अंक र सेन्सेटिभ फ्लोट इण्डेक्स १.१७ अंक बढेको छ।

नेप्सेसँगै यस साता कारोबार रकम पनि बढेको छ। गत साता दैनिक औषतमा ५ अर्ब ९५ करोडको शेयर खरिदबिक्री भएको बजारमा यस साता दैनिक औषतमा ६ अर्ब ४५ करोडको शेयर किनबेच भएको छ। गत साताको तुलनामा यस साताको दैनिक औषत कारोबार रकम ८.३८ प्रतिशत बढेको हो। यस साता दैनिक औषत शेयर संख्या १७.२६ प्रतिशत घटेको छ भने दैनिक औषत कारोबार संख्या ४.८३ प्रतिशत घटेको छ।

यस साता नेप्सेको कुल बजार पूँजीकरण पनि करिब १ प्रतिशत बढेको छ। गत साताको अन्तिम कारोबार दिन ४६ खर्ब ८ अर्ब रुपैयाँ रहेको नेप्सेको कुल बजार पूँजीकरण, यस साता ३८ अर्ब रुपैयाँ बढेर ४६ खर्ब ४७ अर्ब रुपैयाँ पुगेको छ।

१३ उपसमूहमध्ये यस साता १० उपसमूहको परिसूचक बढेको छ भने ३ उपसमूहको परिसूचक घटेको छ। यस साता अन्य उपसमूहको परिसूचक सर्वाधिक ४.५७ प्रतिशत बढेको छ। गत साता २५९५.७९ विन्दुमा बन्द भएको यस उपसमूहको परिसूचक, यस साता ११८.६४ अंक बढेर २७१४.४३ विन्दुमा पुगेको छ। अंकका आधारमा भने यस साता निर्जीवन बीमा उपसमूहको परिसूचक सर्वाधिक १७३.३४ अंक बढेको छ।

यस साता होटल तथा पर्यटन, वित्त र जलविद्युत उपसमूहको परिसूचक सामान्य घटेको हो। जसमध्ये जलविद्युत उपसमूहको परिसूचक सबैभन्दा बढी ०.४२ प्रतिशत घटेको छ। गत साता ३५७५.३४ विन्दुमा बन्द भएको सो उपसमूहको परिसूचक यस साता १५.१३ अंक घटेर ३५६०.२१ विन्दुमा झरेको छ।

नेप्सेमा यस साता ग्लोबल आइएमई समुन्नत योजना २को १५ करोड इकाई र छ्याङ्दी हाइड्रोपावरको ३८ लाख ६९ हजार ७७५ कित्ता हकप्रद शेयर सूचीकृत भएको छ। त्यस्तै, यस साता नेको इन्स्योरेन्सको १७ लाख ६० हजार ८१५ कित्ता बोनस शेयर र हिम स्टार उर्जा कम्पनीको ३७ लाख ३० हजार कित्ता आईपीओ नेप्सेमा सूचीकृत भएको छ।

यस साता विकाश हाइड्रोपावर लिमिटेडको शेयरमूल्य सर्वाधिक ६०.९८ प्रतिशत बढेको छ। गत साता ३५३ रुपैयाँ ४० पैसा रहेको यस कम्पनीको अन्तिम शेयरमूल्य, यस साता ५६८ रुपैयाँ ९० पैसा रहेको छ। यस साता आरबिबि म्युचुअल फण्ड १ को इकाईमूल्य सर्वाधिक १७.२७ प्रतिशत घटेको छ। त्यस्तै, यस साता आरबिबि म्युचुअल फण्ड २ को इकाईमूल्य साढे ११ प्रतिशत घटेको छ भने कुमारी इक्विटी फण्डको इकाईमूल्य १० प्रतिशत घटेको छ।

फ्लोरसिट विश्लेषण गर्दा यस साता ७ प्रतिशत आरबिबिएल डिबेञ्चर २०८८, साल्ट ट्रेडिङ्ग कर्पोरेशन, मध्य भोटेकोशी जलविद्युत कम्पनी लगायतका स्टकहरु मोस्ट पपुलर बाइ स्टक सूचीको शीर्ष स्थानमा रहेका छन् भने युनाइटेड अजोड इन्स्योरेन्स, नेपाल दूरसञ्चार कम्पनी, सिटिजन्स सुपर ३० म्युचुअल फण्ड लगायतका स्टकहरु मोस्ट पपुलर सेल स्टक सूचीको शीर्ष स्थानमा रहेका छन्।