हालैको जेनजी आन्दोलनका क्रममा भएको आगलागीले नेपाल प्रहरी दरबारमार्ग शाखाको सम्पूर्ण कार्यालय सामग्री जलेर नष्ट भएको थियो। जसका कारण दैनिक प्रशासनिक कार्य प्रभावित भइरहेको छ।
समुदायप्रति आफ्नो प्रतिवद्धता देखाउँदै “We Stand Together” भन्ने मूल नारासहित नासा सेक्युरिटिजले दरबारमार्ग प्रहरी कार्यालयलाई ३ वटा कम्प्यूटर, ३ वटा प्रिन्टर तथा स्क्यानर, ३ वटा अफिस टेबल र ३ वटा कुर्सी सहयोगस्वरूप प्रदान गरेको छ।
यी सामग्रीहरूले नयाँ मुद्दा दर्ता गर्नेदेखि दैनिक प्रशासनिक कार्य सञ्चालन गर्न ठूलो सहयोग पुर्याउने कम्पनीले विश्वास लिएको छ।
नासा सेक्युरिटिजले यस अघि नै नेपालमा खेलकुदको प्रवर्द्धन होस् भन्ने उद्देश्यले नेपाली राष्ट्रिय क्रिकेट टोलीलाई मुख्य प्रायोजकको रूपमा सहयोग गरिसकेको छ।
नासा सेक्युरिटिजले सामाजिक उत्तरदायित्वमा निरन्तर अग्रसर रहँदै समुदाय, खेलकुद, सार्वजनिक सेवा र सुरक्षासँग जोडिएका कार्यहरूमा भविष्यमा पनि सहयोग पुर्याउने प्रतिवद्धता व्यक्त गरेको छ।
