भदौ २३ गतेको जेनजी आन्दोलनका कारण १९ जना प्रदर्शनकारीको मृत्युभएपछि हुलदंगा चर्किएसँगै भदौ २४ देखि सेयर कारोबार बन्द थियो । भदौ २४ गते कर्फ्यू बीच पनि ठूलो आन्दोलन भएपछि असोज २ गतेसम्म शेयर बजार बन्द गर्ने निर्णय भएको थियो । तर गत आइतबारदेखि जनजीवन सामान्य अवस्थामा फर्किएसँगै शेयर कारोबार खुलाउन दबाब परेको थियो । नेप्सेले असोज १ गतेबाट कारोबार खुलाउने गृहकार्य गरेको भए पनि जेनजी आन्दोलनका शहीदहरुको सम्मानमा सार्वजनिक विदा दिने निर्णय गरेपछि सेबोनले असोज २ गतेबाट कारोबार खोल्न नेप्सेलाई निर्देशन दिएको हो ।
