यस साता सो कम्पनीको शेयरमूल्य १ रुपैयाँ ७० पैसा घटेको छ। गत साता २३५ रुपैयाँ ६० पैसामा अन्तिम कारोबार भएको यस कम्पनीको शेयर, यस साता २३३ रुपैयाँ ९० पैसामा अन्तिम कारोबार भएको छ।
करेक्सन सकिएको हो?
लामो समयदेखि १७० देखि २२० को बीचमा कारोबार भएको कम्पनीको शेयरमूल्यले गत साता ‘ब्रेकआउट’ गरेको थियो। सोपश्चात यस साता भने कम्पनीको शेयरमूल्यमा केही करेक्सन देखिएको छ। ‘ब्रेकआउट’ पछि लगानीकर्ताहरुले नाफा सुरक्षित गर्दा सो करेक्सन देखिएको हो। यद्यपि, साताको अन्तिम कारोबार दिन कम्पनीको शेयरमूल्य बढेर बन्द भएको छ। हाल २२५ भन्दा माथि हुनुले कम्पनीको शेयरमूल्य अझै बुलिश अवस्थामा नै रहेको संकेत गर्दछ। यद्यपि, मूल्य २१५ भन्दा तल झर्यो भने पुनः कमजोर अवस्थामा प्रवेश गर्ने संकेत गर्दछ।
अन्योलमा लगानीकर्ता
साप्ताहिक रुपमा यस साता कम्पनीको शेयरमूल्यले ‘लङ्ग लेग्ड डोजी’ मैनबत्ती बनाएको छ। यस साता आगामी दिनमा कम्पनीको शेयरमूल्य बढ्छ कि घट्छ भन्ने अन्योलमा लगानीकर्ता रहेको संकेत गर्दछ। आगामी दिनमा कम्पनीको शेयरमूल्य ओरालो लागेमा २१५ देखि २२५ को क्षेत्रमा टेवा पाउने देखिन्छ। त्यस्तै, उकालो लागेमा भने २४५ देखि २५५ को क्षेत्रमा प्रतिरोधको सामना गर्ने देखिन्छ।
सुस्ताउँदै भोल्यूम
गत साता उच्च रहेको कम्पनीको भोल्यूम, यस साता केही सुस्ताएको छ। यस साताका अन्तिम दुई कारोबार दिन कम्पनीको भोल्यूम औषतभन्दा तल झरेको छ। कम्पनीको मूल्य बढेसँगै भोल्यूम बढ्नु र मूल्य घटेसँगै भोल्यूम घट्नु राम्रो संकेत मानिन्छ। यसले मूल्य बढ्दा लगानीकर्ताहरु कम्पनीको शेयरमा आकर्षित हुने संकेत गर्दछ।
बुलिश प्रवृत्ति
यस साता कम्पनीको शेयरमूल्य बुलिश प्रवृत्तिमा रहेको छ। कम्पनीको एमएसिडी रेखा सिग्नल रेखाभन्दा माथि रहेको छ र यी दुई रेखाबीचको दूरी फराकिलो रहेको छ। त्यसैगरी, कम्पनीको हिस्टोग्राम, एमएसिडी रेखा र सिग्नल रेखा सबै शून्य रेखाभन्दा माथि रहेका छन्। यद्यपि, साताको अन्त्यतिर कम्पनीको शेयरमूल्य घट्दा हिस्टोग्रामको उचाई भने घटेको छ।
खरिदचाप बढी
साताको अन्तिम कारोबार दिन कम्पनीको स्टकास्टिक आरएसआई ओभरबट जोनमा रहेको छ। यसले बजारमा कम्पनीको शेयरमा बिक्रीचापको तुलनामा खरिदचाप बढी रहेको संकेत गर्दछ।
वित्तीय अवस्था
चालु आर्थिक वर्षको पहिलो ६ महिनासम्ममा कम्पनीले ९९ करोड ६५ लाख ३९ हजार रुपैयाँ खुद नाफा कमाएको छ। गत आर्थिक वर्षको सोही अवधिसम्ममा कम्पनीको यस्तो मुनाफा ८२ करोड ११ लाख ८५ हजार रुपैयाँ ऋणात्मक थियो।
समीक्षा अवधिमा कम्पनीको विद्युत बिक्री आम्दानी ३ अर्ब ३४ करोड रुपैयाँबाट बढेर ६ अर्ब ७ करोड रुपैयाँ पुगेको छ। त्यस्तै, कम्पनीको सञ्चालन मुनाफा ११ अर्ब १६ करोड ८८ लाख रुपैयाँबाट बढेर ३ अर्ब ७४ करोड ३१ लाख रुपैयाँ पुगेको छ। पुस मसान्तसम्ममा कम्पनीको वित्तयि खर्च २ अबए ७५ करोड ६५ लाख रुपैयाँ रहेको छ।
२१ अर्ब १८ करोड रुपैयाँ चुक्ता पूँजी रहेको यस कम्पनीको जगेडा कोष भने १० अर्ब ५८ करोड ७ लाख रुपैयाँ ऋणात्मक रहेको छ।
पुस मसान्तसम्ममा कम्पनीको प्रतिशेयर आम्दानी ९ रुपैयाँ ४१ पैसा रहेको छ भने बुकभ्यालु ५० रुपैयाँ ४ पैसा रहेको छ। यस साताको अन्तिम कारोबार मूल्य आधारमा कम्पनीको मूल्य आम्दानी अनुपात २४.८६ गुणा र प्राइस टु बुकभ्यालु रेशियो ४.६७ गुणा रहेको छ।
आधारभूत विश्लेषण
हाल नेप्सेमा कम्पनीको २१ करोड १८ लाख कित्ता शेयर सूचीकृत छ। साताको अन्तिम कारोबार मूल्यका आधारमा कम्पनीको कुल बजार पूँजीकरण ४९ अर्ब ५४ करोड २० हजार रुपैयाँ रहेको छ। कम्पनीको १८० दिने औषत मूल्य १८५ रुपैयाँ ५२ पैसा रहेको छ। त्यसैगरी, कम्पनीको ५२ हप्ताको उच्च मूल्य २४२ रुपैयाँ ६० पैसा रहेको छ भने न्यून मूल्य १६६ रुपैयाँ रहेको छ।
ब्रोकर ५८ बाट सर्वाधिक खरिदबिक्री
यस साता ब्रोकर नम्बर ५८ ले कम्पनीको सबैभन्दा बढी शेयर खरिदबिक्री गरेको छ। यस साता सो ब्रोकरले कम्पनीको २ लाख २४ हजार ९६६ कित्ता शेयर बिक्री गरी २ लाख ७० हजार ७९८ कित्ता शेयर खरिद गरेको छ। यता ब्रोकर नम्बर ४२ ले यस साता कम्पनीको २ लाख ३२ हजार ९०२ कित्ता शेयर खरिद गरेको छ।
मूल्य बढ्ने अपेक्षा
फियर एण्ड ग्रीड मिटरमा कम्पनीको शेयरमूल्य अहिले ग्रीड जोनमा रहेको छ। यसले लगानीकर्ताहरु कम्पनीको शेयरमूल्य बढ्छ भन्ने अपेक्षामा रहेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)
