यस साता सो कम्पनीको शेयरमूल्य ९५ रुपैयाँ घटेको छ। गत साताको अन्तिम कारोबार दिन १ हजार ६७० रुपैयाँमा अन्तिम कारोबार भएको यस कम्पनीको शेयर, यस साता १ हजार ५७५ रुपैयाँमा अन्तिम कारोबार भएको छ।
सिमेट्रिकल ट्रयांगल भित्र
पछिल्लो समय कम्पनीको शेयरमूल्य सिमेट्रिकल ट्रयांगल भित्र कारोबार भइरहेको देखिन्छ। अर्थात माथिको ट्रेण्डलाइन र तलको ट्रेण्डलाइनले एउटा खुम्चिँदै गएको त्रिकोण बनाइरहेको र कम्पनीको शेयरमूल्य सोही क्षेत्रभित्र कारोबार भइरहेको देखिन्छ। यो एक न्यूट्रल प्याटर्न हो। यदि कम्पनीको मूल्यले माथिल्लो ट्रण्डलाइनलाई तोडेर उकालो लाग्यो भने कम्पनीको मूल्य बुलिश हुने संकेत गर्दछ। तर, तल्लो ट्रेण्डलाइनलाई तोडेर तल झर्यो भने कम्पनीको मूल्य बियरिश हुने संकेत गर्दछ।
बिक्रीकर्ता हाबी
साप्ताहिक रुपमा यस साता कम्पनीको शेयरमूल्यले बियरिश मैनबत्ती बनाएको छ। यसले यस साता कम्पनीको शेयरमा बिक्रीकर्ता हाबी रहेको संकेत गर्दछ। यद्यपि, साताको अन्तिम कारोबार दिन भने कम्पनीको शेयरमूल्यले लामो टुप्पी भएको हरियो मैनबत्ती बनाएको छ जसले सो दिन भने कम्पनीको शेयरमा खरिदकर्ता बलियो रहेको संकेत गर्दछ। आगामी दिनमा कम्पनीको शेयरमूल्य उकालो लागेमा १६९० देखि १७३५ को क्षेत्रमा प्रतिरोधको सामना गर्ने देखिन्छ। भने ओरालो लागेमा १४०० देखि १४५० को क्षेत्रमा टेवा पाउने देखिन्छ।
एआई सिग्नल
मेरो लगानी एआईले अघिल्लो बिहीबार (मार्च २६) मा कम्पनीको शेयरमा बाई सिग्नल दिएको थियो। एआईले १४८५ देखि १५५० मा बाइ सिग्नल दिएको थियो। जसअनुसार १५५० मा शेयर खरिद गरेका लगानीकर्ताहरु यस साताको अन्त्यसम्ममा १.६१ प्रतिशत नाफामा रहेका छन्। मेरोलगानी एआई अनुसार सो सिग्नलको सेलिङ्ग रेञ्ज १६८० देखि १७४० भित्र रहेको छ भने स्टप लस १४८५ रहेको छ।
बलियो भोल्यूम
यस साता कम्पनीको भोल्यूम बलियो रहेको छ। यस साताका हरेक कारोबार दिन कम्पनीको २० दिने औषत भोल्यूमभन्दा बढीको शेयर कारोबार भइरहेको छ। मूल्यले सिमेट्रिकल ट्रयांगल बनाइरहेको अवस्थामा यस्तो उच्च भोल्यूम आउनुले ठूला लगानीकर्ता बजारमा प्रवेश गरेको संकेत गर्दछ।
डेड क्रश
यस साताको कम्पनीको एमएसिडी रेखाले सिग्नल रेखालाई माथिबाट काटेर तल झरेको छ। यससँगै एमएसिडीमा डेड क्रश बनेको छ। यसले आगामी दिनमा कम्पनीको शेयरमूल्य घट्ने संकेत गर्दछ। साताको अन्त्यतिर कम्पनीको हिस्टोग्राम पनि नकारात्मक क्षेत्रमा झरेको छ।
बिक्रीचाप बढ्दै
साताको अन्तिम कारोबार दिन स्टकास्टिक आरएसआईमा कम्पनीको शेयरमूल्य न्यूट्रल जोनबाट ओभरसोल्ड जोनतर्फ झर्दै गरेको देख्न सकिन्छ। यसले सो साता कम्पनीको शेयरमा बिक्रीचाप बढ्न थालेको संकेत गर्दछ।
वित्तीय अवस्था
चालु आर्थिक वर्षको पुस मसान्तसम्ममा कम्पनी ५२ लाख ९३ हजार नोक्सानीमा रहेको छ। गत आर्थिक वर्षको सोही अवधिसम्ममा कम्पनी ५ करोड ३७ लाख रुपैयाँ नाफामा थियो।
लगानी बिक्रीमा घाटा भएसँगै कम्पनी नोक्सानीमा पुगेको हो।
समीक्षा अवधिमा कम्पनीको लगानी बिक्रीको नाफा १ करोड ८ लाख रुपैयाँ ऋणात्मक रहेको छ। त्यस्तै, समीक्षा अवधिमा कम्पनीको लाभांश आम्दानी १४.०७ प्रतिशत घटेको छ भने कुल आम्दानी ८५.३२ प्रतिशत घटेको छ। समीक्षा अवधिमा कम्पनीको कुल खर्च ९७.२२ प्रतिशत बढेको छ।
१ अर्ब ७९ करोड ८१ लाख २१ हजार रुपैयाँ चुक्ता पूँजी रहेको यस कम्पनीको रिटेन्ड अर्निङ्ग ९६ करोड ६५ लाख रुपैयाँ रहेको छ।
नाफासँगै कम्पनीको प्रतिशेयर आम्दानी पनि ऋणात्मक भएको छ। गत आर्थिक वर्षको दोस्रो त्रैमाससम्ममा ८ रुपैयाँ ३७ पैसा रहेको कम्पनीको प्रतिशेयर आम्दानी, चालु आर्थिक वर्षको सोही अवधिसम्ममा ५९ पैसा ऋणात्मक भएको छ। दोस्रो त्रैमासको अन्त्यसम्ममा कम्पनीको प्रतिशेयर नेटवर्थ १७४ रुपैयाँ ४९ पैसा रहेको छ। साताको अन्तिम कारोबार मूल्य अनुसार कम्पनीको प्राइस टु बुकभ्यालु रेशियो ९.०३ गुणा रहेको छ।
आधारभुत अवस्था
हाल नेप्सेमा कम्पनीको १ करोड ७९ लाख ८१ हजार २१२ कित्ता शेयर सूचीकृत छन्। कम्पनीको १८० दिने औषत मूल्य १ हजार ६२९ रुपैयाँ ४४ पैसा रहेको छ। त्यसैगरी, कम्पनीको ५२ हप्ताको उच्च मूल्य २ हजार ४४४ रुपैयाँ रहेको छ भने न्यून मूल्य १ हजार ३२७ रुपैयाँ रहेको छ। साताको अन्तिम कारोबार मूल्य अनुसार कम्पनीको कुल बजार पूँजीकरण २८ अर्ब ३२ करोड ४ लाख ८ हजार ९०० रुपैयाँ रहेको छ।
ब्रोकर ५८ बाट सर्वाधिक खरिदबिक्री
यस साता ब्रोकर नम्बर ५८ ले कम्पनीको सबैभन्दा बढी शेयर खरिद गरेको छ। सो ब्रोकरले यस साता कम्पनीको १ लाख ५८ हजार १७ कित्ता शेयर खरिद गरेको हो। त्यसैगरी, यस साता सोही ब्रोकरले कम्पनीको सबैभन्दा बढी शेयर बिक्री गरेको छ। सो ब्रोकरले यस साता कम्पनीको १ लाख ४३ हजार ९८५ कित्ता शेयर बिक्री गरेको छ।
न्यूट्रल जोनमा
फियर एण्ड ग्रीड मिटरमा कम्पनीको शेयरमूल्य अहिले ग्रीड जोनबाट न्यूट्रल जोनमा झरेको छ। यसले लगानीकर्ताहरुमा कम्पनीको शेयरमूल्य बढ्छ भन्ने अपेक्षा घटेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)
