सुनचाँदीको मूल्यमा भारि वृद्धि

Aug 11, 2026 10:58 AM Merolagani

साउन २६ गते, मंगलबार, नेपाली बजारमा सुन र चाँदी दुवैको मूल्यमा भारि वृद्धि भएको छ। यस दिन सुन प्रतितोला छ हजार ४०० रुपैयाँ र चाँदी प्रतितोला १३५ रुपैयाँले वृद्धि भएको हो।

नेपाल सुनचाँदी व्यवसायी महासंघका अनुसार आज सुन प्रतितोला तीन लाख सात हजार ९०० रुपैयाँमा कारोबार भइरहेको छ। सोमबारको बजारमा सुन प्रतितोला तीन लाख एक हजार ५०० रुपैयाँमा कारोबार भएको थियो।

त्यस्तै, आज चाँदी प्रतितोला चार हजार ७८० रुपैयाँमा कारोबार भइरहेको छ। साेमबारको बजारमा चाँदी प्रतितोला चार हजार ६४५ रुपैयाँमा कारोबार भएको थियो।