सशस्त्र प्रहरीले रसुवागढी भन्सार र यार्ड क्षेत्रमा स्निफर डगसहित खोज तथा उद्धार टोली खटाएको जनाएको छ। नदी किनार तथा बाढी प्रभावित क्षेत्रमा फसेका र हराइरहेका नागरिकको खोजी तथा क्षतिको मूल्यांकनका लागि ड्रोनको प्रयोग भइरहेको छ।
यस्तै, गम्भीर घाइतेको उपचारका लागि चिकित्सा टोली परिचालन गरिएको छ भने जोखिमयुक्त बस्तीका नागरिकलाई सुरक्षित स्थानमा सार्ने कार्य जारी रहेको सशस्त्र प्रहरीले जनाएको छ।
नुवाकोट, धादिङ र चितवनका तटीय क्षेत्रमा समेत उद्धार टोलीलाई तयारी अवस्थामा राखिएको छ।
