बाढी प्रभावित क्षेत्रमा हुनसक्ने खतरालाई ध्यानमा राख्दै अर्को सूचना जारी नभएसम्मका लागि धुन्चे रुट पूर्ण रूपमा नचलाउन र त्यसको सट्टा काठमाडौंबाट दुप्चेश्वर, सिसिपु, तालु, फेदी, र सूर्यकुण्ड पास (४,६७५ मिटर) हुँदै गोसाइकुण्ड (४,३८० मिटर) पुग्ने वैकल्पिक रुट प्रयोग गर्न सुझाइएको छ। फिर्ती यात्राका लागि पनि सोही मार्ग प्रयोग गर्नुपर्नेछ।
पदयात्रीहरूलाई यात्रा अघि स्थानीय अवस्थाको जानकारी लिन, सुरक्षालाई पहिलो प्राथमिकता दिन र अनुभवी पथप्रदर्शक तथा स्थानीय अधिकारीहरूको निर्देशन पालना गर्न जोड दिइएको छ। विशेष गरी नदी किनार, पहिरोको जोखिम भएका क्षेत्र तथा बाढीले असर गरेका अन्य भूभागबाट टाढा रहन आग्रह गरिएको छ। कुनै पनि आपत्कालीन स्थितिमा सहयोगका लागि १००, १११४ वा १०२ नम्बरमा सम्पर्क गर्न सकिनेछ।
