बागमती प्रदेश ट्राफिक प्रहरी कार्यालयका अनुसार बाढीले सडकको ठूलो हिस्सा कटान गरी भित्तासमेत भासिएकाले अहिले दुवैतर्फबाट सवारी साधन चलाउन सक्ने अवस्था छैन। सडक पूर्ण रूपमा ठप्प भएपछि काठमाडौँ भित्रिने र बाहिरिने सयौँ सवारी साधन तथा हजारौँ यात्रुहरू बिच बाटोमै अलपत्र परेका छन्।
त्रिशूली र नारायणी नदीमा जलसतह अत्यधिक बढेको र राजमार्गका विभिन्न ठाउँमा निरन्तर पहिरो खसिरहेकाले यात्रा अत्यन्तै जोखिमपूर्ण बनेको छ। सडकको अवस्था गम्भीर रहेकाले मर्मत गरी यातायात पुनः सञ्चालनमा ल्याउन केही समय लाग्ने प्रहरीले जनाएको छ।
