सुनकोशी, बुढीगण्डकी र महाकालीमा जलसतहले सतर्कता तह पार: उच्च सतर्कता अपनाउन अपिल

Sep 02, 2026 08:29 AM Merolagani

देशका विभिन्न भू-भागमा निरन्तर भइरहेको वर्षाका कारण प्रमुख नदीहरूमा जलसतह बढेर सतर्कता (चेतावनी)को तह नाघेको छ। जल तथा मौसम विज्ञान विभाग, बाढी पूर्वानुमान महाशाखाका अनुसार सुनकोशी, बुढीगण्डकी र महाकाली नदीमा पानीको बहाव उच्च बिन्दुमा पुगेको छ।

नदीहरूको वर्तमान जलसतह र स्थिति:

सुनकोशी नदी (सिन्धुली, खुर्कोट): यहाँ जलसतह ७.६२ मिटर पुगेको छ, जहाँ ७.५ मिटरलाई सतर्कता तह मानिन्छ। हाल यहाँ पानीको बहाव स्थिर रहेको छ।
बुढीगण्डकी नदी (गोरखा, आरुघाट): आरुघाट मापन केन्द्रमा जलसतह ३.६ मिटर पुगेको छ (सतर्कता तह ३.५ मिटर)। यहाँ पानीको स्तर विस्तारै घट्दो क्रममा छ।
महाकाली नदी (डडेलधुरा, पारीगाउँ): महाकालीमा जलसतह ६.३७ मिटर पुगेर सतर्कता तह (५.८ मिटर) नाघेको छ।

महाशाखाले यी नदीका तटीय तथा तल्लो क्षेत्रमा बसोबास गर्ने बासिन्दाहरूलाई सम्भावित बाढीको जोखिमबाट बच्न उच्च सतर्कता अपनाउन र सुरक्षित स्थानमा रहन आग्रह गरेको छ।