चालु आर्थिक वर्षको पहिलो ६ महिनासम्ममा बैंकले ४ करोड ८८ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा १७.२९ प्रतिशत कम हो। गत आर्थिक वर्षको सोही अवधिसम्ममा बैंकले ५ करोड ९० लाख रुपैयाँ खुद नाफा कमाएको थियो।
खुद ब्याज आम्दानी र सञ्चालन मुनाफा घटेसँगै बैंकको खुद नाफा घट्न पुगेको हो।
समीक्षा अवधिमा बैंकको खुद ब्याज आम्दानी २६.७५ प्रतिशत घटेको छ भने खुद फि तथा कमिशन आम्दानी १.७४ प्रतिशत घटेको छ। त्यसैगरी, बैंकको कुल सञ्चालन आम्दानी समीक्षा अवधिमा २४.७२ प्रतिशत घटेको छ भने सञ्चालन मुनाफा १७.२९ प्रतिशत घटेको छ।
पुस मसान्तसम्ममा बैंकको वितरणयोग्य मुनाफा ४ करोड ८७ लाख रुपैयाँ रहेको छ भने प्रतिशेयर वितरणयोग्य मुनाफा ८ रुपैयाँ ७६ पैसा रहेको छ।
नाफासँगै बैंकको प्रतिशेयर आम्दानी पनि घटेको छ। समीक्षा अवधिमा बैंकको यस्तो आम्दानी २ रुपैयाँ ८५ पैसा घटेर ८ रुपैयाँ ७९ पैसामा झरेको छ। पुस मसान्तसम्ममा बैंकको मूल्य आम्दानी अनुपात ४७.१९ गुणा रहेको छ भने प्रतिशेयर नेटवर्थ १३४ रुपैयाँ २९ पैसा रहेको छ।
गत आर्थिक वर्षको मुनाफाबाट ९.५० प्रतिशत बोनस शेयर वितरण गरी १ अर्ब ११ करोड १४ लाख रुपैयाँ चुक्ता पूँजी पुर्याएको यस बैंकको जगेडा कोषमा ३८ करोड ११ लाख रुपैयाँ सञ्चित छ। दोस्रो त्रैमासको अन्त्यसम्ममा बैंकले ६ अर्ब ३७ करोड २१ लाख रुपैयाँ निक्षेप संकलन गरी ३ अर्ब ९२ करोड २९ लाख रुपैयाँ कर्जा लगानी गरेको छ।
