रेकर्डस्तरमा सुनको मूल्य, चाँदी कतिमा हुँदैछ कारोबार?

Aug 28, 2025 10:49 AM Merolagani



भदौ १२ गते, बिहीबार, नेपाली बजारमा सुनको मूल्य रेकर्डस्तरमा पुगेको छ भने चाँदीकाे मूल्य पनि बढेकाे छ।

 

नेपाल सुनचाँदी व्यवसायी संघका अनुसार यस दिन छापावाल सुन प्रतितोला १ लाख ९९ हजार ४०० रुपैयाँमा कारोबार भइरहेको छ। अघिल्लो दिनको तुलनामा यस दिन सुनको मूल्य प्रतितोला ४०० रुपैयाँ बढेको हो। अघिल्लो दिन अर्थात बुधबार, नेपाली बजारमा सुन प्रतितोला १ लाख ९९ हजार रुपैयाँमा कारोबार भएको थियो। यस दिन कायम सुनको मूल्य हालसम्मकै उच्च हो। यस अघि गत साउन २३ गते पनि सुन सोही मूल्यमा कारोबार भएको थियो।

यस दिन चाँदीको मूल्य तोलामा १० रुपैयाँ बढेको छ। बुधबार तोलाको २ हजार ३४५ रुपैयाँमा कारोबार भएको चाँदी यस दिन २ हजार ३५५ रुपैयाँमा कारोबार भइरहेको संघले जनाएको छ।




मेरो शेयर तथा सि–आस्बा सेवा अवरुद्ध हुने

Aug 24, 2025 05:10 PM

मेरो शेयर तथा सि–आस्बा सेवा अवरुद्ध हुने भएको छ । सिडिएस एण्ड क्लियरिङ्गको सञ्चालमा रहेको मेरो शेयर तथा सि–आस्बा सेवा प्रणालीहरुको डाटाबेस अपग्रेडेसन गर्नुपर्ने भएकाले सेवा अवरुद्ध हुने भएको हो ।