आज अन्य दिनहरुमा भन्दा भिन्न समयमा खेल हुनेछ। यस अघि पहिलो खेला ११ः४५ बजे र दोस्रो खेल साँझ ४ बजे भइरहेकोमा आज पहिलो खेल ११ः१५ बजे र दोस्रो खेल साढे ३ बजे हुनेछ।
आज पहिलो खेल पोखरा एभेन्जर्स र लुम्बिनी लायन्सबीच हुनेछ। यी दुबै टोलीको समान २ अंक छ। पोखराले ३ खेलमा १ खेल जितेको हो भने लुम्बिनी लायन्स ४ खेलमा १ खेल मात्र जितेको हो। पहिलो दुई खेलमा पराजित भएको पोखराले गत बिहीबार जनकपुर बोल्ट्सलाई पराजित गरी पहिलो जित निकालेको थियो। यता, पहिलो खेलमा जित हासिल गर्दै विजयी सुरुवात गरेको लुम्बिनीले सो पछिका तीन खेलमा पराजित भएको थियो।
साँझ साढे ३ बजे हुने खेलमा अंकतालिकाको पुछारमा रहेको जनकपुर बोल्ट्सले तालिकाको शीर्ष स्थानमा रहेको सुदूरपश्चिमको सामना गर्नेछ। यस सस्करणमा जनकपुरले हालसम्म कुनै खेल जितेको छैन भने सुदूरपश्चिमले कुनै खेल हारेको छैन।
