लामो समय पीपीएमा भएको अवरोध हटाउने गरी पुनरावलोकन गर्ने तयारी सरकारले गरेको हो । ऊर्जा, जलस्रोत तथा सिँचाइ मन्त्री विराजभक्त श्रेष्ठले पनि पीपीए पुनरावलोकनको तयारी अन्तिम चरणमा पुगेको बताएका हुन् ।
सरकारले गरेको वाचाअनुसार पीपीए पुनरावलोकनको प्रक्रिया अघि बढेको मन्त्री श्रेष्ठले बताए । ‘हामी पीपीए पुनरावलोकनको प्रक्रियामा छौं । विगतमा देखिएको विवाद हटाउँदै पीपीए पुनरावलोकन हुन्छ । हामी त्यसको अन्तिम तयारीमा छौं,’ मन्त्री श्रेष्ठले बताए ।
यसअघिको सरकारले बजेटमा ‘टेक एण्ड पे’ मा पीपीए गर्ने व्यवस्था लागू गर्ने घोषणा गरेको थियो । तर, आम ऊर्जा व्यवसायी र सर्वसाधारणको आलोचनासँगै पीपीए व्यवस्था सच्याउने भनिए पनि अहिलेसम्म कुनै पनि जलविद्यूत् आयोजनाको पीपीए अनुमति स्वीकृत भएको छैन् ।
विगतको विवाद र पीपीए खुला गर्ने गरी सरकारले पुनरावलोकन गर्न लागेको हो ।
