कम्पनीले गत आर्थिक वर्षको अन्त्यसम्ममा ४२ करोड ५९ लाख ९३ हजार रुपैयाँ खुद नाफा आर्जन गरेको छ। अघिल्लो आर्थिक वर्षको सोही अवधिमा कम्पनीको खुद नाफा ११ करोड २७ लाख ९२ हजार रुपैयाँ मात्र रहेकोमा गत आर्थिक वर्ष २७७.६८ प्रतिशतको ठूलो वृद्धि भएको छ।
कम्पनीको विद्युत बिक्री आम्दानी १ अर्ब ३३ करोड ४ लाख रुपैयाँ पुगेको छ, जुन अघिल्लो आर्थिक वर्ष १ अर्ब १२ करोड ६५ लाख रुपैयाँ रहेको थियो। प्रत्यक्ष सञ्चालन खर्च ५ करोड ५१ लाख रुपैयाँ कट्टा गरेपछि कम्पनीको कुल नाफा १ अर्ब २९ करोड ९९ लाख ३१ हजार रुपैयाँ पुगेको छ।
कम्पनीले आफ्नो सञ्चित नाफालाई बलियो बनाउँदै वित्तीय आधार थप फराकिलो बनाएको छ। कम्पनीको चुक्ता पुँजी २ अर्ब ३० करोड १५ लाख रुपैयाँ रहेको छ भने जगेडा कोष अघिल्लो आर्थिक वर्षको १४ करोड १४ लाख रुपैयाँबाट उल्लेख्य रूपमा वृद्धि भई ४५ करोड १४ लाख रुपैयाँ पुगेको छ। कम्पनीमाथि ५ अर्ब ४७ करोड १२ लाख २ हजार रुपैयाँ बराबरको सुरक्षित ऋण रहेको छ।
गत आर्थिक वर्षको अन्तिम वित्तीय विवरणलाई नियाल्दा कम्पनीले व्यावसायिक रूपमा निकै ठूलो सफलता हासिल गरेको देखिन्छे। खुद नाफा उल्लेख्य बढ्नु र प्रतिशेयर आम्दानी १८ रुपैयाँ ५० पैसा पुग्नुले लगानीकर्ताहरूका लागि सुखद सङ्केत गर्दछ। तरलता अनुपात २.०८ को बलियो अवस्थामा रहनुले कम्पनीको अल्पकालीन दायित्व भुक्तानी क्षमता सुरक्षित रहेको पुष्टि गर्दछ। बढेको सञ्चित नाफाका आधारमा कम्पनीले आगामी दिनमा शेयरधनीहरूलाई आकर्षक लाभांश वितरण गर्न सक्ने बलियो सम्भावना देखिएको छ।
