गृह मन्त्रालयअन्तर्गतको राष्ट्रिय आपत्कालीन कार्य सञ्चालन केन्द्रका अनुसार राष्ट्रिय विपद् जोखिम न्यूनीकरण तथा व्यवस्थापन प्राधिकरणमार्फत हरेक घण्टा प्रेस विज्ञप्ति जारी गरिनेछ। विज्ञप्तिमा राहत वितरण, जनशक्ति परिचालन तथा आवश्यक सामग्रीको उपलब्धता र वितरणबारे पछिल्लो विवरण समावेश गरिनेछ।
सरकारले सञ्चारमाध्यम र आम नागरिकलाई आधिकारिक निकायबाट प्राप्त सूचनालाई मात्र विश्वास गर्न आग्रह गरेको छ। संकटको यस घडीमा अहिलेको मुख्य प्राथमिकता नागरिकको जिउज्यान बचाउनु रहेको सरकारको भनाइ छ।
