चालु आर्थिक वर्षको असोज मसान्तसम्ममा कम्पनीले ९२ लाख ७४ हजार रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा १६२.५७ प्रतिशत बढी हो। गत आर्थिक वर्षको सोही अवधिसम्ममा कम्पनीले ३५ लाख ३२ हजार रुपैयाँ खुद नाफा कमाएको थियो।
कम्पनीको आम्दानी बढेको र वित्तीय खर्च घटेका कारण खुद नाफा उल्लेख्य बढ्न पुगेको हो।
समीक्षा अवधिमा कम्पनीको आम्दानी ५९.८६ प्रतिशत र कुल नाफा ५९.३२ प्रतिशत बढेको छ। त्यस्तै, समीक्षा अवधिमा कम्पनीको सञ्चालन मुनाफा १२.७० प्रतिशत बढेको छ भने वित्तीय खर्च १२.७७ प्रतिशत घटेको छ।
नाफासँगै कम्पनीको प्रतिशेयर आम्दानी पनि बढेको छ। समीक्षा अवधिमा कम्पनीको यस्तो आम्दानी १ रुपैयाँ ४३ पैसा बढेर २ रुपैयाँ ८४ पैसा पुगेको छ। १ अर्ब ३० करोड ५० लाख रुपैयाँ चुक्ता पूँजी रहेको यस कम्पनीको जगेडा कोषमा १६ करोड ७७ लाख रुपैयाँ सञ्चित छ।
