मेक्सिकोको मोन्टेरे रङ्गशालामा भएको सो खेलमा स्वीडेनले पूर्ण रूपमा दबाब बनाउँदै महत्त्वपूर्ण ३ अङ्क जोडेको हो।
स्वीडेनको जितमा २२ वर्षीय युवा मिडफिल्डर यासिन अयारी नायक बने। उनले खेलको छैटौँ मिनेटमा उत्कृष्ट गोल गर्दै टोलीलाई सुरुवाती अग्रता दिलाएका थिए भने खेलको इन्जुरी समय (९०५) मा व्यक्तिगत दोस्रो गोल गर्दै टोलीलाई ५–१ को स्थितिमा पुर्याए।
खेलको २९ औँ मिनेटमा स्टार स्ट्राइकर अलेक्जेन्डर इसाकले गोल गर्दै स्वीडेनको अग्रता दोब्बर बनाएका थिए। तर, पहिलो हाफ सकिनुअघि ४२ औँ मिनेटमा ट्युनिसियाका ओमार रेकिकले हेडिङमार्फत गोल गर्दै खेललाई २–१ को स्थितिमा ल्याएर ट्युनिसियालाई खेलमा फर्काउने प्रयास गरे।
दोस्रो हाफमा स्वीडेनले पूर्ण रूपमा खेल आफ्नो नियन्त्रणमा लियो। ५८ औँ मिनेटमा भिक्टर ग्योकेरेसले गोल गर्दै स्वीडेनलाई ३–१ को अग्रता दिलाए। त्यसपछि ८३ औँ मिनेटमा मत्तियास स्वानबर्ग र ९५ औँ मिनेटमा पुनः अयारीले गोल गरेपछि स्वीडेनले फराकिलो जित पक्का गर्यो।
यसअघि समूह एफ को पहिलो खेलमा नेदरल्यान्ड्स र जापानले २–२ को बराबरी खेलेका थिए। यस सानदार जितसँगै स्वीडेन ३ अङ्क बटुल्दै समूह एफ को शीर्ष स्थानमा उक्लिएको छ भने ट्युनिसिया पुछारमा रहेको छ।
